Remarken zu den Delaien an den méiglechen Prozeduren

Wéint deenen kuerzen Delaien (gewollt ?, also strategesch ?, oder och net), kann een am Fong näischt anescht maachen wéi sech am Kader vun der Prozedur bemierkbar ze maachen. Dat heescht also Reklamatiounen an den gesetzlechen Fristen eranzeschécken. Dat kann ee gewëssent Gewiicht hunn, wa vill Reklamatiounen erakommen, oder wann oft déi nämlecht Texter sinn, déi individuell vun verschiddenen Leit ënnerschriwwen ginn. Den Ministère de l’Intérieur, a virun allem Commission d’aménagement, missten dann op mannst virsiichteg ginn wann se géifen méi oder manner ee PAG approuvéieren déi géint déi bestehend Texter ass, notamment wat den Gemengen(eegen)entwecklung ugeet.

Et ass also néideg sech méiglechst massiv an deem Kader ze beweegen, deen de Moment dem Bierger op ass. Dëse Kontext ass den Moment „Enquête publique" vum PAG/PAP an der Phase vun der Reklamatioun, vum PAG selwer an vun der SUP. Daat ass eng administrativ Prozedur. Leit, wann se net d’Accord sinn mat deem wat Gemeng proposéiert, mussen sech elo a grousser Zuel mëllen fir dat een Impakt do ass dee net kann ignoréiert ginn. Wann dat net geschitt, da brauchen mir eis herno net ze wonneren wann verschidden Saachen duerchginn déi den meeschten Leit eventuell net gefalen. Mee et kënnt natierlech och sinn dat de proposéierten PAG Zoustëmmung vun enger Majoritéit vu Bierger fënnt. Dann ass dat eben esou. Et ass jo een demokrateschen Prozess. An deem Moment kann Politik berechtegterweis soen dat si d‘Leit richteg vertrueden huet.

De Problem ass datt den Dossier, deen d'Leit virgeluecht kruten an déi Gesetzer, déi dat ganzt regelen, esou zolidd a komplex sinn, dat et normal ass dass de Bierger, dee net Spezialiste an der Matière ass, dat entweder net verdaut kritt oder d'Zäit net huet dat an deem kuerzen Delai ze maachen. Dobäi kënnt, datt vill Leit dat richtegt Gespier an dësem Dossier hunn, awer leider net wëssen, wat se iwwerhaapt kënnen ënnerhuelen oder eventuell  net de richtigen Dréi fannen.

Hei soll awer all Matbierger sech kënnen zu dem Thema ausdrécken, besonnesch well eis Gemengeverantwortlech e Wee wëllen aschloen, deen voll géint déi aktuell aktiv Gesetzer geet. All Mënsch dee sécher wor, mir géingen an enger "Commune complémentaire" wunnen, gouf enttäuscht vun dësem PAG/PAP, respektiv vun der Entwécklungsstrategie. Wann déi Gewielten net méi an déi Richtung ginn,  firwat se sech opgestallt haten oder si mengen nach, si géingen am Sënn vun de Kommune-Kommunautéit-Gemeinschaft-Gemeinde schaffen et awer net méi maachen, dann mussen d'Bierger sech manifestéieren a soen : " Esou net!"

Den Blog soll och den Matbierger Elementer ginn déi hinnen kéinten op deem engen oder aneren Punkt hëllefen eng lettre de réclamation op Been ze setzen. Se kënnen ouni weideres ganz Bréiwer kopéieren an hiren Numm drënner setzen oder verschidden Elementer "compiléieren" fir hiren Bréif.

D'Gemengeverantwortlech hunn den "minimum requis", deen Gesetz vun hinnen verlaangt gemaach. Net méi! Also musse mir elo och dat maachen, wat vun eis verlaangt gëtt. Just, mam Minimum gi mir eis net zefridden. Eng "régression vers la moyenne" ass hei net ubruecht!!! Hei si Saachen déi un d'Substanz ginn, Wäerter, déi eis am Liewen wichteg sinn, an dësem Fall d'Wäerter/d'Stäerkten vun dëser Gemeng. Et ass net nëmme legal, mee esouguer legitime, fir sech elo ze mellen an séng Meenung ze soën, esou ähnlëch wéi bei der "légitime défense".  De BLOG ass just e Moyen fir de Bierger méi komplett z'informéiren an him eng Chance ze ginn. Dat ass e Stéck Demokratie an eis Pflicht als Bierger.

E kléngen Extrait vum Internet vun eise franséischen Noperen iwwert Bierger http://www.vie-publique.fr/decouverte-institutions/citoyen/citoyennete/definition/devoirs-definition/quels-sont-devoirs-citoyen-envers-autres.html 

" Les devoirs d’un citoyen envers les autres sont de deux natures, juridique et morale.

Chaque citoyen doit d’abord respecter les droits des autres, qui sont identiques aux siens. En effet, la Déclaration des droits de 1789 établit que "l’exercice des droits naturels de chaque homme n’a de bornes que celles qui assurent aux autres membres de la société la jouissance de ces mêmes droits" (art. 4). Ainsi, un citoyen a droit au respect de sa vie privée et doit scrupuleusement respecter celle des autres. De même, il ne doit pas empêcher quelqu’un de s’exprimer librement au nom de la supériorité supposée de ses propres idées. Il doit respecter la liberté des autres, témoigner et leur porter assistance.

Mais les devoirs des citoyens les uns envers les autres ne se limitent pas à des obligations juridiques et doivent être complétés par une dimension morale.

En effet, il doit "vivre en citoyen" en faisant preuve de civisme et de civilité. L’attitude des citoyens les uns envers les autres est primordiale pour rendre supportable la vie en société. La politesse, le respect, la capacité à venir en aide à une personne en difficulté sont des éléments capitaux pour une citoyenneté vécue au quotidien. Les manquements à ces règles élémentaires de vie en commun affaiblissent la notion de citoyenneté."

Fir ofzeschléissen, all Bierger kennt deen hei Saz erëm :

„Du hues ons all als Kanner schonn

de fräie Geescht jo ginn.“